9 maýsymda ótetin kezekten tys prezident sailaýyna 9,4 milliard teńge kóleminde qarjy bólinbek. Bul týraly «Ashyq NQA» portalynda jariialandy.
«2019 jylǵy 9 maýsymǵa belgilengen Qazaqstan Respýblikasy Prezidentiniń kezekten tys sailaýyn ótkizý úshin 2019 jylǵa arnalǵan respýblikalyq biýdjette shuǵyl shyǵyndarǵa kózdelgen Qazaqstan Respýblikasy Úkimetiniń rezervinen 9 404 771 000 (toǵyz milliard tórt júz tórt million jeti júz jetpis bir myń) teńge somada qarajat bólinsin, sonyń ishinde: QR Ortalyq sailaý komissiiasyna 9 347 885 000 (toǵyz milliard úsh júz qyryq jeti million segiz júz seksen bes myń) teńge, QR Syrtqy ister ministrligine 56 886 000 (elý alty million segiz júz seksen alty myń) teńge» delingen resmi habarlamada.
Qazaqstan Respýblikasynyń Qarjy ministrligi zańnamada belgilengen tártippen bólingen qarajatty maqsatty paidalanylýyn baqylaýdy óz mindetine almaq.
Qujat 29 sáýirge deiin talqylanady.
Aita ketsek, buǵan deiin Ortalyq sailaý komissiiasy sailaý ótkizýge 12 milliard teńge suraǵan bolatyn. Alaida, Qarjy ministrligi bul somanyń qysqarýy múmkin ekendigin aitty.
