9 ماۋسىمدا ٶتەتٸن كەزەكتەن تىس پرەزيدەنت سايلاۋىنا 9,4 ميلليارد تەڭگە كٶلەمٸندە قارجى بٶلٸنبەك. بۇل تۋرالى «اشىق نقا» پورتالىندا جارييالاندى.
«2019 جىلعى 9 ماۋسىمعا بەلگٸلەنگەن قازاقستان رەسپۋبليكاسى پرەزيدەنتٸنٸڭ كەزەكتەن تىس سايلاۋىن ٶتكٸزۋ ٷشٸن 2019 جىلعا ارنالعان رەسپۋبليكالىق بيۋدجەتتە شۇعىل شىعىندارعا كٶزدەلگەن قازاقستان رەسپۋبليكاسى ٷكٸمەتٸنٸڭ رەزەرۆٸنەن 9 404 771 000 (توعىز ميلليارد تٶرت جٷز تٶرت ميلليون جەتٸ جٷز جەتپٸس بٸر مىڭ) تەڭگە سومادا قاراجات بٶلٸنسٸن, سونىڭ ٸشٸندە: قر ورتالىق سايلاۋ كوميسسيياسىنا 9 347 885 000 (توعىز ميلليارد ٷش جٷز قىرىق جەتٸ ميلليون سەگٸز جٷز سەكسەن بەس مىڭ) تەڭگە, قر سىرتقى ٸستەر مينيسترلٸگٸنە 56 886 000 (ەلۋ التى ميلليون سەگٸز جٷز سەكسەن التى مىڭ) تەڭگە» دەلٸنگەن رەسمي حابارلامادا.
قازاقستان رەسپۋبليكاسىنىڭ قارجى مينيسترلٸگٸ زاڭنامادا بەلگٸلەنگەن تەرتٸپپەن بٶلٸنگەن قاراجاتتى ماقساتتى پايدالانىلۋىن باقىلاۋدى ٶز مٸندەتٸنە الماق.
قۇجات 29 سەۋٸرگە دەيٸن تالقىلانادى.
ايتا كەتسەك, بۇعان دەيٸن ورتالىق سايلاۋ كوميسسيياسى سايلاۋ ٶتكٸزۋگە 12 ميلليارد تەڭگە سۇراعان بولاتىن. الايدا, قارجى مينيسترلٸگٸ بۇل سومانىڭ قىسقارۋى مٷمكٸن ەكەندٸگٸن ايتتى.
