9 maýsym kúni Nur-Sultan ýaqytymen 20:00-de Qazaqstannyń 12 óńirinde daýys berý aiaqtaldy, dep habarlaidy QazAqparat.
Eldegi 17 óńirdiń 12-sinde daýys berý aiaqtaldy. Olar: Nur-Sultan, Almaty, Shymkent qalalary, Aqmola, Almaty, Shyǵys Qazaqstan, Jambyl, Qaraǵandy, Qostanai, Pavlodar, Soltústik Qazaqstan, Túrkistan oblystary.
Qalǵan 5 óńirdegi sailaý ýchaskelerinde daýys berý Nur-Sultan ýaqytymen 21:00-de (Batys Qazaqstan ýaqytymen 20:00-de) aiaqtalady. Atalǵan óńirler: Aqtóbe, Atyraý, Batys Qazaqstan, Qyzylorda jáne Mańǵystaý oblystary.
Eske sala keteiik, Qazaqstanda kezekten tys Prezident sailaýy kúni sailaý ýchaskeleri jergilikti ýaqytpen 07:00-de ashylyp, 20:00-ge deiin jumys istedi. Daýys berý aiaqtalǵan óńirlerde, sailaý komissiiasy daýystardy sanaýǵa kirisedi.
