Qazaqstan sailaýshylarynyń 77 paiyzy daýys berdi. Bul týraly QR Ortalyq sailaý komissiiasynyń hatshysy Sábila Mustafina aitty, dep habarlaidy QazAqparat tilshisi.
"Oblystardyń, respýblikalyq mańyzy bar qalalardyń sailaý komissiialary aldyn ala usynǵan málimetterge sáikes, 2019 jylǵy 9 maýcym 20:00-degi jaǵdai boiynsha tizimge engizilgen sailaýshylardyń 77 paiyzy sailaý biýlletenderin aldy. Olardyń ishinde Aqmola oblysy boiynsha 83, Aqtóbe oblysy boiynsha 84,6, Almaty oblysy boiynsha 89, Atyraý oblysy boiynsha 71,2, Shyǵys Qazaqstan oblysy boiynsha 84,5, Jambyl oblysy boiynsha 81,3, Batys Qazaqstan oblysy boiynsha 66,2, Qaraǵandy oblysy boiynsha 77,1, Qyzylorda oblysy boiynsha 77,6, Qostanai oblysy boiynsha 84, Mańǵystaý oblysy boiynsha 68,3, Pavlodar oblysy boiynsha 79,5, Soltústik Qazaqstan oblysy boiynsha 79,8, Túrkistan oblysy boiynsha 84,8, Nur-Sultan qalasy boiynsha 68,3, Almaty qalasy boiynsha 52,2, Shymkent qalasy boiynsha 67,1 paiyz daýys berdi", - dedi Sábila Mustafina.
Onyń aitýynsha, "Qazaqstan Respýblikasyndaǵy sailaý týraly" Konstitýtsiialyq zańnyń 38-babynyń 1-tarmaǵyna sáikes prezident sailaýynda daýys berý sailaý kúninde jergilikti ýaqyt boiynsha saǵat 20:00-ge deiin ótkiziledi.
"Qazirgi sátte daýys berý saǵat 21-00-de bitetin 4 batys óńirdegi jáne Qyzylorda oblysyndaǵy 1 899 ýchaskeni qospaǵanda eldegi sailaý ýchaskelerinde daýys berý bitti. Sonymen qatar 40 eldegi 51 sheteldik ýchaskede daýys berý júrip jatyr", - dedi ol.
