Qasym-Jomart Toqaev Qazaqstan halqyna Joldaýy barysynda sailaýdyń proportsionaldy-majoritarlyq modeli týraly málimdedi, dep habarlaidy QazAqparat.
«Proportsionaldy-majoritarly úlgide sailaýshylardyń múddesi ulttyq jáne óńirlik deńgeide tolyq kórinis tabady. Májilistiń depýtattyq korpýsynyń 70 paiyzy proportsionaldyq, 30 paiyzy majoritarlyq tásilmen jasaqtalatyn bolady. Sonymen birge aralas sailaý úlgisi oblystar men respýblikalyq mańyzy bar qalalardaǵy máslihattar sailaýyna da engiziledi. Sailaýdyń osy tásiline oralý biz úshin óte mańyzdy. Bul qadam – partiialardyń Májilis pen máslihatqa ótý shegin tómendetý úshin osyǵan deiin qabyldanǵan sheshimniń zańdy jalǵasy», - dedi Prezident.
Memleket basshysynyń aitýynsha, budan bylai majoritarlyq júie boiynsha árbir aimaq Parlamenttiń tómengi palatasyna óziniń keminde bir depýtatyn sailai alady. Jańa úlgi kózqarasy ártúrli azamattardyń Májiliske kelýine múmkindik beredi.
«Sondai-aq, aýdandar men qalalardaǵy sailaýdy tolyǵymen majoritarlyq júiege kóshirýdi usynamyn. Bul júie jergilikti jerde básekeli saiasi orta qalyptastyrady. Oǵan qosa, eldiń aldynda bedeli bar jańa tulǵalardyń saiasatqa kelýine jol ashady», - dedi Qasym-Jomart Toqaev.
