Táýelsizdik kúni merekesi qarsańynda Prezident Jarlyǵymen memleketimizdiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi, belsendi qoǵamdyq qyzmeti úshin el azamattaryn memlekettik nagradalarmen marapattaldy. Olardyń qatarynda óndiris, biznes, bilim berý, densaýlyq saqtaý salalarynyń kórnekti ókilderi, áskeri qyzmetshiler, quqyq qorǵaý organdarynyń qyzmetkerleri, sportshylar, soǵys jáne eńbek ardagerleri, mádeniet jáne ǵylym qairatkerleri bar, dep jazady Aqorda.
"Qazaqstannyń eńbek sińirgen qairatkeri" qurmetti ataǵy ǵylym jáne mádeniet salasynyń 36 kórnekti ókiline berildi, olardyń ishinde belgili ánshiler Tamara Asar men Dimash Qudaibergen, ǵalym A.Jumadildaev, kinoakter N.Esimǵaliev, dirijer R.Salavatov, balet ártisi N.Semenovaǵa berildi.
"Otan" ordenimen jazýshy I.Jaqanov, Alageum Electric holdingtik kompaniiasy baqylaý keńesiniń tóraǵasy S.Qojabaev, Aqtóbe oblysy Qazhrom filialy – Dóń taý-ken baiytý kombinatynyń direktory V.Til marapattaldy.
"Qazaqstan respýblikasynyń tuńǵysh prezidenti – Elbasy Nursultan Nazarbaev" ordenimen prezident is basqarýshysynyń birinshi orynbasary A.Bisembaev marapattaldy.
I dárejeli "Barys" ordenine májilis depýtaty S.Abdrahmanov, ǵalym jáne qoǵam qairatkeri Á.Ahmetov, jazýshy T.Ábdikuly, Elbasy keńsesiniń basshysy M.Qasymbekov, "M.Áýezov atyndaǵy Ońtústik Qazaqstan memlekettik ýniversiteti" RMK bas ǵylymi qyzmetkeri M.Myrzahmetuly, "Bóbek" balalar qorynyń prezidenti S.Nazarbaeva, opera ánshisi B.Tólegenova ie boldy.
II dárejeli "Barys" ordenimen "LORD daryndy balalarǵa arnalǵan oblystyq mamandandyrylǵan mektep-litsei-internat" KMM muǵalimi R.Ázimbaeva, aqyn M.Aithoja, Ulttyq ǵylym akademiiasynyń akademigi Ǵ.Esim, memleketaralyq sý sharýashylyq úilestirý komissiiasy janyndaǵy Sý sharýashylyq máseleleri boiynsha ǵylymi-aqparattyq ortalyǵy Qazaq filialynyń direktory N.Qypshaqbaev marapattaldy.
III dárejeli "Barys" ordenine aqyn, "Sáken Seifýllinniń murajaiynyń" direktory N.Aituly, Prezident Is basqarmasy Meditsinalyq ortalyǵynyń "Oqjetpes" emdeý-saýyqtyrý kesheni" AQ prezidenti Q.Berkinbaev, tarihshy M.Qoigeldiev, senat depýtaty T.Muqashev, jazýshy Q.Salǵarauly jáne basqalar ie boldy.
Taǵy oqyńyz: Qandastarymyz toqtaýsyz jylady: Dimashtyń AQSh-taǵy kontserti qalai ótti – video
Belgili ǵalymdar, mádeniet qairatkerleri, óndiristik sala ókilderiniń eńbekteri "Parasat" ordenimen baǵalandy. Olardyń arasynda "Shymkent qalalyq orys drama teatrynyń" basshysy I.Verbitskii, "Aitys aqyndary men jyrshy, termeshilerdiń halyqaralyq odaǵynyń tóraǵasy J.Ermanov, L. Gýmilev atyndaǵy Eýraziia ulttyq ýniversitetiniń professory S.Qasqabasov, Aqtóbe metall qurastyrý zaýytynyń direktory Q.Qoilybaev, Soltústik Qazaqstan oblysy «Aqseleý» JShS direktory S.Malaev, Qazaq ulttyq agrarlyq ýniversitetiniń professory Q.Sábdenov, B.Rimova atyndaǵy Taldyqorǵan drama teatrynyń ártisi K.Temirbaiuly, qoǵam qairatkerleri E.Sakenova men E.Tarasenko, Atyraý oblystyq qoǵamdyq keńesiniń tóraǵasy M.Óteshov, M. Óskinbaev atyndaǵy Mańǵystaý oblystyq filarmoniiasynyń solisi S.Shakrat, Qaraǵandy oblysy "Altai Polimetaly" JShS baqylaý keńesiniń tóraǵasy R.Iýn bar.
II dárejeli "Dostyq" ordenine Qazaqstan halqy assambleiasy tóraǵasynyń orynbasary, "Vainah" sheshender jáne ingýshter qaýymdastyǵy basqarmasynyń múshesi Iu.Keligov, aitys aqyny Á.Qalybekova, "Ainury" tatar-bashqurt mádeni ortalyǵynyń tóraǵasy A.Halikov, Qaraǵandy qalasy LITUANICA qoǵamdyq birlestiginiń tóraǵasy V.Tvarionas jáne basqalar ie boldy.
"Qurmet" ordenimen marapattalǵandar qatarynda aqyn O.Ábdildaev, Túrkistan oblysy "Jetisai qosalqy mektep-internatynyń muǵalimi Ú.Ábdiev, L.Gýmilev atyndaǵy Eýraziia ulttyq ýniversitetiniń dotsenti A.Ábidenqyzy, Aqmola oblysy "Altyndán" JShS direktory Q.Baizaqov, Almaty qalasy Qazaqstan dúngenderiniń qoǵamynyń tóraǵasy A.Vointse, Abai atyndaǵy Qazaq memlekettik akademiialyq opera jáne balet teatrynyń solisi G.Dáýirbaeva, Qostanai oblysy "Melitopolskoe" JShS direktory E.Dvýrechenskii, tanymal boksshy V.Demianenko, T.Júrgenov atyndaǵy Qazaq ulttyq óner akademiiasynyń oqytýshysy Sh.Imashev, Qyzylorda oblysy "Eńbek jer" JShS direktory Sh.Ysqaqov, Petropavl qalasy Kardiologiialyq ortalyǵynyń bas dárigeri A.Maǵzumov, Shymkent qalasy "Bolashaq" № 66 balabaqshasynyń meńgerýshisi T.Martynenko, Shyǵys Qazaqstan aýyl sharýashylyq tájiribe stantsiiasynyń mehanizatory A.Nazin, ánshi S.Nurmaǵambetova, "Miloserdie" erikti qoǵamy qaiyrymdylyq qorynyń direktory, Qazaqstan Respýblikasynyń balalar quqyqtary jónindegi ýákili A.Sain, M. Áýezov atyndaǵy Qazaq memlekettik akademiialyq drama teatrynyń ártisi Ú.Seitimbet, Ál-Farabi atyndaǵy Qazaq ulttyq ýniversitetiniń kafedra meńgerýshisi Á.Tóleýbaev, Nur-Sultan qalasy "Naz" memlekettik bi teatrynyń direktory S.Srailov, Qaraǵandy qalasy "Jas suńqar" sport mektebiniń jattyqtyrýshy-oqytýshysy E.Shynkeev bar.
Ónerkásip, kólik, qurylys, aýyl sharýashylyǵy jáne basqa materialdyq óndiris salalarynyń 72 jumysshysy men eńbekkeri III dárejeli "Eńbek Dańqy" ordeniniń iegerleri atandy. Aqmola oblysy "Hleborob" JShS mehanizatory M.Boranbaev, Mańǵystaý oblysy "Jailaý" JShS bas shopany E.Ótesov, "QTJ Júk tasymaldaý" AQ filialy Jambyl paidalaný lokomotiv deposynyń jóndeýshisi N.Homýtenko jáne basqalar.
Áskeri jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde kórsetken erligi men janqiiarlyǵy, eldiń ulttyq qaýipsizdigi men qorǵanys qabiletin nyǵaitýǵa qosqan úlesi úshin áskeri qyzmetshiler men quqyq qorǵaý organdary ókilderiniń bir toby I jáne II dárejeli "Dańq", sondai-aq, I, II, III dárejeli "Aibyn" ordenderimen, "Erligi úshin" jáne "Jaýyngerlik erligi úshin" medaldarymen marapattaldy.
Nagradtalǵandardyń tizimi baspasózde jariialanady.
