Prezident Qasym-Jomart Toqaev «Samuryq-Qazyna» AQ basqarma tóraǵasy Almasadam Sátqalievti qabyldady, dep habarlaidy Aqorda.
Memleket basshysyna Qordyń jyl basynan beri atqarǵan qyzmetiniń negizgi óndiristik kórsetkishteri men qarjylyq nátijeleri týraly baiandaldy.
Almasadam Sátqaliev biylǵy 10 aidyń qorytyndysy boiynsha «Samuryq-Qazyna» kompaniialar tobyna 8 981 milliard teńge kiris kirgenin jáne onyń josparlanǵan mólsherden 20 paiyzǵa artyq ekenin aitty. Kompaniialar tobynyń operatsiialyq tabysy – 1 256 milliard teńge. Bul – byltyrǵy kórsetkishterge qaraǵanda 2 eseden kóp. Oǵan munai baǵasynyń qymbattaýy, júk tasymalynan túsetin kiristiń artýy, tranzittiń ósýi jáne basqa da óndiristik kórsetkishter yqpal etken.
Qasym-Jomart Toqaev kezdesý sońynda «Samuryq-Qazyna» aktsionerlik qoǵamynyń jobalary boiynsha birqatar naqty tapsyrma berdi.
