پرەزيدەنت قاسىم-جومارت توقاەۆ «سامۇرىق-قازىنا» اق باسقارما تٶراعاسى الماسادام سەتقاليەۆتٸ قابىلدادى, دەپ حابارلايدى اقوردا.
مەملەكەت باسشىسىنا قوردىڭ جىل باسىنان بەرٸ اتقارعان قىزمەتٸنٸڭ نەگٸزگٸ ٶندٸرٸستٸك كٶرسەتكٸشتەرٸ مەن قارجىلىق نەتيجەلەرٸ تۋرالى باياندالدى.
الماسادام سەتقاليەۆ بيىلعى 10 ايدىڭ قورىتىندىسى بويىنشا «سامۇرىق-قازىنا» كومپانييالار توبىنا 8 981 ميلليارد تەڭگە كٸرٸس كٸرگەنٸن جەنە ونىڭ جوسپارلانعان مٶلشەردەن 20 پايىزعا ارتىق ەكەنٸن ايتتى. كومپانييالار توبىنىڭ وپەراتسييالىق تابىسى – 1 256 ميلليارد تەڭگە. بۇل – بىلتىرعى كٶرسەتكٸشتەرگە قاراعاندا 2 ەسەدەن كٶپ. وعان مۇناي باعاسىنىڭ قىمباتتاۋى, جٷك تاسىمالىنان تٷسەتٸن كٸرٸستٸڭ ارتۋى, ترانزيتتٸڭ ٶسۋٸ جەنە باسقا دا ٶندٸرٸستٸك كٶرسەتكٸشتەر ىقپال ەتكەن.
قاسىم-جومارت توقاەۆ كەزدەسۋ سوڭىندا «سامۇرىق-قازىنا» اكتسيونەرلٸك قوعامىنىڭ جوبالارى بويىنشا بٸرقاتار ناقتى تاپسىرما بەردٸ.
