Prokýratýra janynan reid kezindegi tártip buzýshylyqtar týraly habarlaityn koll-ortalyq ashylýy tiis. Elimizdegi koronavirýs indetine bailanysty epidemiologiialyq ahýal jóninde keńeste QR Prezidenti Qasym-Jomart Toqaev osyndai tapsyrma berdi, dep habarlaidy "Ult aqparat".
«Pandemiia jaǵdaiynda biznesti shekteý men tekserý sharalary ashyq júrgizilýi kerek. Júieli túrde, qasaqana tártip buzǵandardy ǵana jazalaý qajet. Prokýratýra janynan reid kezindegi tártip buzýshylyqtar týraly habarlaityn koll-ortalyq ashylýy tiis», dep jazdy Prezident Twitter-degi paraqshasynda.
Memleket basshysy sondai-aq, kásipkerlerdi qoldaýǵa qatysty birneshe tapsyrma berdi.
«Úkimet Parlamentpen birlesip myna ýaqytsha sharalardy júzege asyrǵany jón: 1. Zardap shekken salalardaǵy shaǵyn jáne orta biznes nysandarynyń jekelegen salyqtary men tólemderin shegerý; 2. Salyqtyq jáne kedendik qaryzdaryn májbúrlep óndirip alýdy toqtatý», dedi Prezident.
Memleket basshysy, koronavirýsqa bailanysty epidemiologiialyq ahýal jónindegi keńeste indetti jeńýdiń jalǵyz joly vaktsina saldyrý ekenin aitty.
«Eki ai ishinde Qazaqstan halqynyń 0,1% ǵana ekpe ektirgen», - dedi ol.
Eske sala ketsek, Memleket basshysy elimizdegi koronavirýs indetine bailanysty epidemiologiialyq ahýal jóninde keńes ótkizdi.
