.jpeg)
«AMANAT» partiiasy QR Prezidenti Qasym-Jomart Toqaevtyń reformasyn qoldaýǵa arnalǵan «Bereke – birlikte!» atty ashyq aspan astyndaǵy kontsert uiymdastyrdy. Kontsert elordadaǵy EKSPO aýmaǵynda ótip, ony 25 myńnan astam qala turǵyndary men qonaqtary tamashalady.
Óz kezeginde, Parlament Májilisindegi «AMANAT» partiiasynyń depýtaty Elnur Beisenbaev prezidenttik mandatty uzaqtyǵy 7 jyl bir merzimge shekteý jónindegi reformanyń mańyzdylyǵyn atap ótti.
«Budan bylai Memleket basshysy tek bir ret qana prezident bolý múmkindigine ie bolady. Ol qaita sailana almaidy. Prezident bir merzimge, bir-aq ret 7 jylǵa sailanatyn bolady. Zańnamadaǵy quqyqtyq kolliziiany joiý úshin, bul ózgeristi, jańashyl saiasi reformany biyldan bastaýmyz qajet. Iaǵni, aldaǵy 20 jyldyqta siz ben biz, jańadan sailanǵan eń kemi 3 prezidentti kóretin bolamyz», – dedi halyq qalaýlysy.
Parlament Májilisindegi «AMANAT» partiiasynyń taǵy bir depýtaty Gennadii Shipovskih Memleket basshysynyń Ulttyq qordyń investitsiialyq tabysynyń 50%-yn 18 jasqa tolǵanǵa deiin balalardyń shotyna aýdarý bastamasyna basa nazar aýdardy.
«Esterińizde bolsa, biz baiaǵydan armandap kelgen dúniemiz iske asty. Bul Arab elderindegidei ár bala ómirge kelgen kezde, arnaiy shot ashylyp, kámelet jasqa tolǵansha aqsha aýdarylady. Bolashaqta ony árbir jas baspanaly bolýy men bilim alýyna qoldana alady. Bul úshin Ulttyq qordyń investitsiialyq tabysynyń teń jartysy jumsalady. Memleket basshysynyń bul bastamasy árbir otbasyǵa jasalǵan tikelei qamqorlyq», – dep atap ótti Gennadii Shipovskih.
«AMANAT» partiiasynyń «Jastar Rýhy» jastar qanatynyń tóraǵasy Nurjan Jetpisbaevtyń aitýynsha, elimizde bolyp jatqan oqiǵalarǵa bei-jai qaramaityn belsendi jastar jetip artylady.
«Elimizde otanshyl ári belsendi, myqty jastarymyz jeterlik. Sońǵy 3 jylda bolǵan Arys, Maqtaral oqiǵasy jáne pandemiia kezinde elimiz boiynsha «Jastar Rýhy» uiymy 10 myńnan astam volonterdi toptastyrdy. Qostanai óńirindegi órt kezinde de bizdiń jastarymyz birige bildi. «AMANAT» partiiasy barlyq óńirde gýmanitarlyq kómek qabyldaý pýnktterine 1 200 tonnadan astam turmystyq jáne qurylys zattaryn jinady. Bul iske árbir aimaqtyń janashyr turǵyny óz úlesin qosty. Eldiń tapsyrǵan amanatyn, meniń jas rýhtastarym Tobyl-Torǵai jurtyna ýaqytyly tabystady. Memleket basshysy volonterlerimizdiń atqarǵan eńbegin joǵary baǵalap, alǵys aitty», – dedi Nurjan Jetpisbaev.
Sóitip, qala turǵyndary men qonaqtarynyń aldynda qazaqstandyq estrada juldyzdary óner kórsetti. Olardyń arasynda Miras Júginisov, Nazima, Ninety One, Aiqyn Tólepbergen, Ernar Aidar, Dilnaz Ahmadieva, Yenlik, 2 RAR, De Lacure, Ulyqpan Joldasov, Altynai Jorabaeva, Beibit Qorǵan, Qanat jáne Svetlana Aitbaevtar, Aidyn Jumabaev, Zarina Omarova, Estai Muqashev, Maira Iliiasova, Hairolda Muratbek, Arailym Rahym, sondai-aq memlekettik akademiialyq filarmoniianyń ártisteri án shyrqady.
