Qazaqstan Prezidenti Qasym-Jomart Toqaev Pýsan qalasynda (Koreia Respýblikasy) Qazaqstan Respýblikasynyń Bas konsýldyǵyn ashý týraly Jarlyqqa qol qoidy, dep habarlaidy "Ult aqparat" Aqordaǵa silteme jasap.
«Pýsan qalasynda (Koreia Respýblikasy) Qazaqstan Respýblikasynyń Bas konsýldyǵy ashylsyn.Qazaqstan Respýblikasynyń Úkimeti osy Jarlyqtan týyndaityn qajetti sharalardy qabyldasyn», delingen qujatta.
Eske sala ketsek, Memleket basshysy Koreiaǵa sapary kezinde Pýsanda Qazaqstannyń Bas konsýldyǵyn ashý týraly sheshim qabyldaǵanyn jetkizgen edi.
Qazaqstan Prezidenti Qasym-Jomart Toqaev Koreia Respýblikasyna 16 tamyzda memlekettik saparmen bardy. Qasym-Jomart Toqaev sol eldiń Prezidenti Mýn Chje Inmen kelissóz júrgizdi. Keiin eki eldiń Prezidentteri BAQ ókilderi úshin brifing ótkizdi.
