قازاقستان پرەزيدەنتٸ قاسىم-جومارت توقاەۆ پۋسان قالاسىندا (كورەيا رەسپۋبليكاسى) قازاقستان رەسپۋبليكاسىنىڭ باس كونسۋلدىعىن اشۋ تۋرالى جارلىققا قول قويدى, دەپ حابارلايدى "ۇلت اقپارات" اقورداعا سٸلتەمە جاساپ.
«پۋسان قالاسىندا (كورەيا رەسپۋبليكاسى) قازاقستان رەسپۋبليكاسىنىڭ باس كونسۋلدىعى اشىلسىن.قازاقستان رەسپۋبليكاسىنىڭ ٷكٸمەتٸ وسى جارلىقتان تۋىندايتىن قاجەتتٸ شارالاردى قابىلداسىن», دەلٸنگەن قۇجاتتا.
ەسكە سالا كەتسەك, مەملەكەت باسشىسى كورەياعا ساپارى كەزٸندە پۋساندا قازاقستاننىڭ باس كونسۋلدىعىن اشۋ تۋرالى شەشٸم قابىلداعانىن جەتكٸزگەن ەدٸ.
قازاقستان پرەزيدەنتٸ قاسىم-جومارت توقاەۆ كورەيا رەسپۋبليكاسىنا 16 تامىزدا مەملەكەتتٸك ساپارمەن باردى. قاسىم-جومارت توقاەۆ سول ەلدٸڭ پرەزيدەنتٸ مۋن چجە ينمەن كەلٸسسٶز جٷرگٸزدٸ. كەيٸن ەكٸ ەلدٸڭ پرەزيدەنتتەرٸ باق ٶكٸلدەرٸ ٷشٸن بريفينگ ٶتكٸزدٸ.
