Foto: Aqorda
Prezident Qasym-Jomart Toqaev Premer-Ministr Oljas Bektenovti qabyldap, elimizdiń áleýmettik-ekonomikalyq damý kórsetkishteri, egin jinaý naýqany jáne jylytý maýsymyna daiyndyq máseleleri boiynsha esep tyńdady, dep habarlaidy "Ult aqparat" Aqordaǵa silteme jasap.
Premer-Ministrdiń aitýynsha, qańtar-tamyz ailarynda Qazaqstan ekonomikasynyń ósimi 3,7 paiyzdy quraǵan. Ásirese qurylys (8,8%), kólik jáne qoima isi (7,9%), bailanys (7,4%), saýda (5,5%), jáne óńdeý ónerkásibi (4,9%) sektorlarynda aitarlyqtai ósý baiqaldy. Aýyl sharýashylyǵyna berilgen jeńildetilgen qarjylandyrý kólemi úsh esege ulǵaiyp, 580 milliard teńgege jetken. Búginde dándi jáne burshaqty daqyldardyń 70,2 paiyzy jinalyp, 17,2 million tonna astyq bastyrylǵan.
Jylytý maýsymyna daiyndyq barlyq óńirde qarqyndy júrgizilýde, áleýmettik nysandar 98,3 paiyz daiyn. Elektr stantsiialaryna qajetti 60 million tonna kómir qory jetkilikti.
Sonymen qatar, sý tasqyny saldaryn joiý jáne aldyn alý sharalary boiynsha buǵan deiin berilgen tapsyrmalar oryndalyp, zardap shekkenderge áleýmettik qoldaý kórsetilip, búlingen dúnie-múlki úshin ótemaqy tólengen. Sý tasqynynan baspanasyz qalǵandarǵa 5767 úi satyp alynyp, 2576 jańa úi salynǵan.
Memleket basshysy eldiń ónerkásip áleýetin arttyrý jáne infraqurylymdy jańǵyrtý boiynsha birqatar tapsyrma berdi.
