QR Prezidenti Qasym-Jomart Toqaev parlamenttik oppozitsiia máseleleri boiynsha ózgeris pen tolyqtyrýlar engizý týraly zańǵa qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
«Memleket basshysy «Qazaqstan Respýblikasy Parlamentiniń komitetteri men komissiialary týraly» Qazaqstan Respýblikasynyń Zańyna parlamenttik oppozitsiia máseleleri boiynsha ózgeris pen tolyqtyrýlar engizý týraly» Qazaqstan Respýblikasynyń Zańyna qol qoidy.
Zańnyń mátini baspasózde jariialanady», delingen habarlamada.
Eske sala ketsek, 28 mamyrda Senattyń jalpy otyrysynda «QR Parlamentiniń komitetteri men komissiialary týraly» zańyna parlamenttik oppozitsiia máseleleri boiynsha ózgeris pen tolyqtyrýlar engizý týraly» Zańy qabyldanǵan edi.
Zań jobasy Qazaqstan Respýblikasy Prezidenti Qasym-Jomart Toqaevtyń byltyr 20 jeltoqsanda Ulttyq qoǵamdyq senim keńesiniń otyrysynda parlamenttik oppozitsiia institýtyn zańnamalyq bekitý týraly tapsyrmasyn oryndaý maqsatynda daiyndaldy.
