Memleket basshysy Qasym-Jomart Kemeluly otandyq telearnalardaǵy baǵdarlamalardy kórip, kóńili tolyp, rizashylyǵyn bildirip jatyr. Bul týraly Prezidenttiń baspasóz hatshysy Berik Ýáli Facebook-tegi paraqshasynda habarlady.
«Jyl tabaldyryqtan attady. Barsha otandastarymyz Jańa jyldy qazirgi jaǵdaiǵa sáikes qaýipsizdik sharalaryn saqtai otyryp óz shańyraqtarynda qarsy aldy. Burynǵydai úi-úige qonaqqa baryp, qalany aralap, alańǵa jinalyp, merekelik kóńil-kúidiń joǵary notasyn ustap júretindei emes.
Osyndai kezde otandyq telearnalar halyqqa ýaqytty tiimdi ótkizýdiń jolyn usynyp, merekelik baǵdarlamalar jasady. Barlyq baǵdarlamalardyń basynan sońyna deiin án men ázil, tanymdyq aqparat qatar órilip, jurtqa jańajyldyq kóńil-kúi syilai aldy. Otandyq estrada juldyzdary osynaý qiyn kezde ekrannyń arǵy betinen halyqtyń kóńilin kóterip, aqjarma tilekterin áýezdi áýenmen jetkizdi. Naǵyz merekelik atmosferany qalyptastyra aldy.
Bir baǵdarlamanyń artynda tutas ujymnyń úlken eńbegi jatqanyn bilemiz. Eńbek aqtaldy, baǵdarlamalar kórermen kóńilinen shyqty dep senemiz. Osy oraida, Memleket basshysy Qasym-Jomart Kemeluly otandyq telearnalardaǵy baǵdarlamalardy kórip, kóńili tolyp, rizashylyǵyn bildirip jatqanyn aitqym keledi» dep jazdy ol.
