مەملەكەت باسشىسى قاسىم-جومارت كەمەلۇلى وتاندىق تەلەارنالارداعى باعدارلامالاردى كٶرٸپ, كٶڭٸلٸ تولىپ, ريزاشىلىعىن بٸلدٸرٸپ جاتىر. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا حابارلادى.
«جىل تابالدىرىقتان اتتادى. بارشا وتانداستارىمىز جاڭا جىلدى قازٸرگٸ جاعدايعا سەيكەس قاۋٸپسٸزدٸك شارالارىن ساقتاي وتىرىپ ٶز شاڭىراقتارىندا قارسى الدى. بۇرىنعىداي ٷي-ٷيگە قوناققا بارىپ, قالانى ارالاپ, الاڭعا جينالىپ, مەرەكەلٸك كٶڭٸل-كٷيدٸڭ جوعارى نوتاسىن ۇستاپ جٷرەتٸندەي ەمەس.
وسىنداي كەزدە وتاندىق تەلەارنالار حالىققا ۋاقىتتى تيٸمدٸ ٶتكٸزۋدٸڭ جولىن ۇسىنىپ, مەرەكەلٸك باعدارلامالار جاسادى. بارلىق باعدارلامالاردىڭ باسىنان سوڭىنا دەيٸن ەن مەن ەزٸل, تانىمدىق اقپارات قاتار ٶرٸلٸپ, جۇرتقا جاڭاجىلدىق كٶڭٸل-كٷي سىيلاي الدى. وتاندىق ەسترادا جۇلدىزدارى وسىناۋ قيىن كەزدە ەكراننىڭ ارعى بەتٸنەن حالىقتىڭ كٶڭٸلٸن كٶتەرٸپ, اقجارما تٸلەكتەرٸن ەۋەزدٸ ەۋەنمەن جەتكٸزدٸ. ناعىز مەرەكەلٸك اتموسفەرانى قالىپتاستىرا الدى.
بٸر باعدارلامانىڭ ارتىندا تۇتاس ۇجىمنىڭ ٷلكەن ەڭبەگٸ جاتقانىن بٸلەمٸز. ەڭبەك اقتالدى, باعدارلامالار كٶرەرمەن كٶڭٸلٸنەن شىقتى دەپ سەنەمٸز. وسى ورايدا, مەملەكەت باسشىسى قاسىم-جومارت كەمەلۇلى وتاندىق تەلەارنالارداعى باعدارلامالاردى كٶرٸپ, كٶڭٸلٸ تولىپ, ريزاشىلىعىن بٸلدٸرٸپ جاتقانىن ايتقىم كەلەدٸ» دەپ جازدى ول.
