Memleket basshysy Ortalyq sailaý komissiiasynyń tóraǵasy Berik Imashevty qabyldady, dep habarlaidy Aqordanyń baspasóz qyzmeti.
Prezidentke osy jyldyń 12 tamyzynda ótken Qazaqstan Respýblikasy Parlamenti Senatynyń depýtattaryn sailaý qorytyndylary týraly baiandaldy.
Sonymen qatar kezdesý barysynda Qazaqstannyń sailaý organdarynyń pandemiia jaǵdaiynda sailaý ótkizýdiń alǵashqy tájiribesi jáne sailaýǵa qatysýshylardyń qaýipsizdigin qamtamasyz etý úshin sanitarlyq qyzmettermen birlesip ótkizilgen sharalar kesheni talqylandy.
Ortalyq sailaý komissiiasynyń tóraǵasy Memleket basshysyn jergilikti memlekettik basqarý organdarynyń sailaý naýqanynyń tájiribesimen tanystyrdy.
