Qasym-Jomart Toqaevqa elordanyń áleýmettik-ekonomikalyq jáne infraqurylymdyq damýy jóninde málimet berildi, dep habarlaidy Aqorda.
Prezidentke biyl 28 500 jumys ornyn ashý josparlanyp otyrǵany baiandaldy. Onyń 24 myńy turaqty jumys orny bolmaq.
Sonymen qatar injenerlik jelilerdi jańǵyrtý, kópirler men joldardyń qurylysy, turmysy tómen azamattarǵa áleýmettik kómek kórsetý, shaǵyn jáne orta biznesti qoldaý máseleleri týraly aityldy.
Qala ákiminiń aitýynsha, Memleket basshysynyń tapsyrmasyna sáikes turǵyn úiler jaǵdaiyn jaqsartý boiynsha júieli jumystar júrgizilip jatyr.
Atap aitqanda kezekte turǵan azamattarǵa áleýmettik páterler salynýda.
Budan bólek, biyl 300-den astam otbasy apatty jaǵdaidaǵy tozyǵy jetken turǵyn úilerden kóshiriledi.
16 myń úleskerdiń 13 myńynyń máselesi sheshilip, qurylysy uzaqqa sozylǵan nysandardyń jumysyn aiaqtaýǵa investorlardyń jeke qarajaty tartylǵan.
Sonymen qatar bilim berý oryndary, meditsinalyq ortalyqtar jáne basqa da áleýmettik nysandar salynady.
Qasym-Jomart Toqaev ákimdiktiń jumysyn maquldap, elordany damytý men abattandyrý jóninde birqatar tapsyrma berdi.
