Memleket basshysy Qasym-Jomart Toqaev naýryz aiynyń ortasynda el halqyna Úndeý joldaidy. Bul týraly Prezidenttiń baspasóz hatshysy Berik Ýáli málim etti, dep habarlaidy "Ult aqparat".
«Prezident Qasym-Jomart Toqaev 11 qańtar kúni ótken Májilis otyrysynda azamattyq qoǵammen jáne sarapshylarmen aradaǵy dialog negizinde saiasi reformalardyń jańa toptamasy ázirlenedi dep málimdegen bolatyn.
Osyǵan bailanysty Memleket basshysy naýryz aiynyń ortasynda halyqqa Úndeý jariialaýdy josparlap otyr. Bul Úndeýde reformalardyń negizgi baǵyttary men qoǵamdy saiasi transformatsiialaýǵa baǵyttalǵan asa mańyzdy sharalar aiqyndalady», - dep jazdy Ýáli Facebook paraqshasynda.
