Prezident áleýmettik kásipkerlikti óte jiti baqylap otyr. Memleket basshysymen kezdesken kásipker Elena Mashinskaia osylai dep pikir bildirdi, dep habarlaidy QazAqparat tilshisi.
«Búgin kezdesýde Memleket basshysy biznestiń áleýmettik jaýapkershiligi, sonymen birge eń aldymen áleýmettik kásipkerlik týraly aitty. Biz óz jumysymyz, jobalarymyz týraly áńgimelestik. Óz kezeginde Prezident áleýmettik kásipkerlikke basa nazar aýdarý kerektigin jetkizdi. Kásiporyndar tiimdi jumys istep qana qoimai, múgedekterdiń áleýmettiń beiimdelýine kómektesýi kerek. Bizdiń kásipkerler bul sanattaǵy azamattardan qoryqpai, olar úshin jumys oryndaryn ashyp, jaýapkershilikti sezinýi tiis. Sebebi múmkindigi shekteýli azamattar úshin qoǵamnyń suranysyna ie bolý - óte qatty jigerlendiredi. Búgingi tańda kóptegen jasosyndai jobalardy qolǵa alyp, múmkindigi shekteýli jandarǵa arnalǵan treningterdi ótkizip, olarǵa jumys oryndaryn ashyp jatyr», - dedi E.Mashinskaia.
Kásipker ózi jetekshilik etip otyrǵan keiteringti kompaniia qoǵamdyq tamaqtandyrý salasynda jumys júrgizetinin aitady. Kompaniiada kórý jáne estý qabileti tómen azamattar jumys isteidi.
Elena Mashinskaia Prezidentpen kezdesý barysynda biznestiń osy túriniń qyr-syryn talqylaý úshin áleýmettik kásipkerler forýmyn ótkizý týraly bastama kóterilgenin atap ótti. Sonymen qatar forýmda basqa kásipkerler úshin úlgi bolarlyq jańa jobalardy tanystyrýǵa bolady. Kásipkerdiń pikirinshe, áleýmettik kásipkerlikke kórsetiletin memlekettik qoldaý júieli bolýy tiis. Eń bastysy bilik áleýmettik kásipkerlerdiń únin tyńdai bilýi kerek.
Eske salsaq, Memleket basshysy Qasym-Jomart Toqaev áleýmettik kásipkerlik ókilderimen kezdeskeni týraly buǵan deiin habarlaǵan bolatynbyz.
.jpeg)