Memleket basshysy Tótenshe jaǵdailar ministri Iýrii Ilindi qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa Tótenshe jaǵdailar ministrliginiń 2020-2021 jyldary atqarǵan jumystarynyń nátijeleri týraly baiandaldy.
Osy ýaqyt aralyǵynda elimizde 9 myńnan astam tabiǵi jáne tehnogendik sipattaǵy tótenshe jaǵdai tirkeldi. TJM bólimsheleri 65 myńnan astam shaqyrtýǵa bardy. 9,5 myń adam qutqaryldy, 10 myń adam evakýatsiialandy, 3 myńnan astam adamǵa alǵashqy meditsinalyq kómek kórsetildi.
Iýrii Ilinniń aitýynsha, ministrlik tabiǵi jáne tehnogendik sipattaǵy tótenshe jaǵdailardyń aldyn alý máselelerine kóp kóńil bólip keledi. Ministrlik eldi mekenderdi, nysandardy jáne jekelegen turǵyndardy sel men sý tasqynynan aldyn ala qorǵaý maqsatynda Almaty qalasy men Almaty oblysynyń Aiýsai, Aqsai jáne Qorǵas ózenderindegi tospalar men bógetterdiń qurylystaryn qarjylandyrady.
Kezdesý qorytyndysy boiynsha Memleket basshysy ministrlikke tótenshe jaǵdailardyń sanyn azaitý, qysqy merzimge daiyndyq jumystaryn júrgizý, qar qursaýyn boldyrmaý, sondai-aq kóktemgi sý tasqynynyń aldyn alý jóninde birqatar naqty mindet júktedi.
