مەملەكەت باسشىسى تٶتەنشە جاعدايلار مينيسترٸ يۋريي يليندٸ قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قاسىم-جومارت توقاەۆقا تٶتەنشە جاعدايلار مينيسترلٸگٸنٸڭ 2020-2021 جىلدارى اتقارعان جۇمىستارىنىڭ نەتيجەلەرٸ تۋرالى باياندالدى.
وسى ۋاقىت ارالىعىندا ەلٸمٸزدە 9 مىڭنان استام تابيعي جەنە تەحنوگەندٸك سيپاتتاعى تٶتەنشە جاعداي تٸركەلدٸ. تجم بٶلٸمشەلەرٸ 65 مىڭنان استام شاقىرتۋعا باردى. 9,5 مىڭ ادام قۇتقارىلدى, 10 مىڭ ادام ەۆاكۋاتسييالاندى, 3 مىڭنان استام ادامعا العاشقى مەديتسينالىق كٶمەك كٶرسەتٸلدٸ.
يۋريي يليننٸڭ ايتۋىنشا, مينيسترلٸك تابيعي جەنە تەحنوگەندٸك سيپاتتاعى تٶتەنشە جاعدايلاردىڭ الدىن الۋ مەسەلەلەرٸنە كٶپ كٶڭٸل بٶلٸپ كەلەدٸ. مينيسترلٸك ەلدٸ مەكەندەردٸ, نىسانداردى جەنە جەكەلەگەن تۇرعىنداردى سەل مەن سۋ تاسقىنىنان الدىن الا قورعاۋ ماقساتىندا الماتى قالاسى مەن الماتى وبلىسىنىڭ ايۋساي, اقساي جەنە قورعاس ٶزەندەرٸندەگٸ توسپالار مەن بٶگەتتەردٸڭ قۇرىلىستارىن قارجىلاندىرادى.
كەزدەسۋ قورىتىندىسى بويىنشا مەملەكەت باسشىسى مينيسترلٸككە تٶتەنشە جاعدايلاردىڭ سانىن ازايتۋ, قىسقى مەرزٸمگە دايىندىق جۇمىستارىن جٷرگٸزۋ, قار قۇرساۋىن بولدىرماۋ, سونداي-اق كٶكتەمگٸ سۋ تاسقىنىنىڭ الدىن الۋ جٶنٸندە بٸرقاتار ناقتى مٸندەت جٷكتەدٸ.
