QR Prezidenti Qasym-Jomart Toqaev koronavirýs pandemiiasyna qatysty tótenshe jaǵdai boiynsha jarlyq qabyldady, dep habarlaidy "Ult aqparat".
«Men memleket qyzmetiniń turaqtylyǵyn qamtamasyz etý sharalary týraly jarlyqqa qol qoidym. Bul qujat memlekettik organdardyń tiimdiligin arttyryp, bilik vertikalin nyǵaityp, daǵdarys jaǵdaiynda barlyq qajetti sheshimderdi jedel qabyldaýǵa múmkindik beredi. Qajet bolsa, salyq salasyn da qamtidy. Jarlyq dári-dármek pen ózge de qajetti satyp alýdy ońtailandyrylǵan tártipte, ásirese otandyq óndirýshilerden satyp alý quqyǵyn beredi. Osylaisha, biz qazirgi tótenshe jaǵdaida óte mańyzdy bolyp otyrǵan ýaqyt pen qarjyny únemdeimiz. Halqymyzdyń danalyǵy men joǵary azamattyq jaýapkershiligi, qoǵam men memlekettiń úilesimdi jumysy barlyq qiyndyqtardy eńserýge múmkindik beretinine senimdimin», - dedi Memleket basshysy.
Esterińizge sala ketsek, keshe QR Prezidentiniń jarlyǵymen Dúniejúzilik densaýlyq saqtaý uiymynyń jańa COVID-19 koronavirýsyn pandemiia dep jariialaýyna bailanysty azamattardyń ómiri men densaýlyǵyn qorǵaý maqsatynda Qazaqstan Respýblikasynyń barlyq aýmaǵynda 2020 jylǵy 16 naýryz 08 saǵat 00 minýt pen 2020 jylǵy 15 sáýir 07 saǵat 00 minýt aralyǵynda tótenshe jaǵdai engizildi.
Sondai-aq Qazaqstan azamattaryna 15 sáýirge deiin el aýmaǵynan shyǵýǵa tyiym salyndy.
