قر پرەزيدەنتٸ قاسىم-جومارت توقاەۆ كوروناۆيرۋس پاندەميياسىنا قاتىستى تٶتەنشە جاعداي بويىنشا جارلىق قابىلدادى, دەپ حابارلايدى "ۇلت اقپارات".
«مەن مەملەكەت قىزمەتٸنٸڭ تۇراقتىلىعىن قامتاماسىز ەتۋ شارالارى تۋرالى جارلىققا قول قويدىم. بۇل قۇجات مەملەكەتتٸك ورگانداردىڭ تيٸمدٸلٸگٸن ارتتىرىپ, بيلٸك ۆەرتيكالٸن نىعايتىپ, داعدارىس جاعدايىندا بارلىق قاجەتتٸ شەشٸمدەردٸ جەدەل قابىلداۋعا مٷمكٸندٸك بەرەدٸ. قاجەت بولسا, سالىق سالاسىن دا قامتيدى. جارلىق دەرٸ-دەرمەك پەن ٶزگە دە قاجەتتٸ ساتىپ الۋدى وڭتايلاندىرىلعان تەرتٸپتە, ەسٸرەسە وتاندىق ٶندٸرۋشٸلەردەن ساتىپ الۋ قۇقىعىن بەرەدٸ. وسىلايشا, بٸز قازٸرگٸ تٶتەنشە جاعدايدا ٶتە ماڭىزدى بولىپ وتىرعان ۋاقىت پەن قارجىنى ٷنەمدەيمٸز. حالقىمىزدىڭ دانالىعى مەن جوعارى ازاماتتىق جاۋاپكەرشٸلٸگٸ, قوعام مەن مەملەكەتتٸڭ ٷيلەسٸمدٸ جۇمىسى بارلىق قيىندىقتاردى ەڭسەرۋگە مٷمكٸندٸك بەرەتٸنٸنە سەنٸمدٸمٸن», - دەدٸ مەملەكەت باسشىسى.
ەستەرٸڭٸزگە سالا كەتسەك, كەشە قر پرەزيدەنتٸنٸڭ جارلىعىمەن دٷنيەجٷزٸلٸك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەمييا دەپ جارييالاۋىنا بايلانىستى ازاماتتاردىڭ ٶمٸرٸ مەن دەنساۋلىعىن قورعاۋ ماقساتىندا قازاقستان رەسپۋبليكاسىنىڭ بارلىق اۋماعىندا 2020 جىلعى 16 ناۋرىز 08 ساعات 00 مينۋت پەن 2020 جىلعى 15 سەۋٸر 07 ساعات 00 مينۋت ارالىعىندا تٶتەنشە جاعداي ەنگٸزٸلدٸ.
سونداي-اق قازاقستان ازاماتتارىنا 15 سەۋٸرگە دەيٸن ەل اۋماعىنان شىعۋعا تىيىم سالىندى.
