Qasym-Jomart Toqaev memlekettik apparattyń qyzmetin biýrokratiiadan aryltý týraly Jarlyqqa qol qoidy, - dep habarlaidy "Ult aqparat" Aqordaǵa silteme jasap.
Prezident "Memlekettik apparattyń qyzmetin biýrokratiiadan aryltý sharalary týraly" Jarlyqqa qol qoidy. Biýrokratiiadan aryltýdyń negizgi qaǵidattary forma mániniń basymdyǵyn, bastapqy qalpy boiynsha tsifrlandyrýdy, basqarýshylyq jaýapkershilikti, úzdiksiz jetildirýdi, reglamentteýdiń ońtailylyǵyn aiqyndaidy.
Jarlyqta júieli jáne qoldanbaly sharalar kesheni qarastyrylǵan. Bul sharalardyń júzege asyrylýy memlekettik apparatta sheshimderdiń qabyldanýyn jyldamdatady, memlekettik organdardaǵy birinshi basshylardyń derbestigi men jeke jaýapkershiligin arttyrady, qujat ainalymy men esep berýshilikti qysqartady.
Atap aitqanda, júktelgen mindetterdi jyldam júzege asyrý úshin memlekettik organdarǵa normativtik-quqyqtyq aktilerdi ózderiniń fýnktsiialaryn zańnamalyq deńgeide naqtylap jatpai-aq qabyldaýǵa quqyq beriledi.
Keshendi reinjiniring negizinde norma shyǵarý jáne biýdjet úderisteriniń merzimderi men kezeńderi eki ese qysqarady. Sonymen qatar, vedomstvolyq esep berý isin júieleý jáne avtomattandyrý; aqparattyq júielerde bar málimetterdi memlekettik organdardyń suratýyna tyiym salynady; qaǵaz túrindegi qujattarǵa buryshtama soǵý jáne olardyń paraqtaryna aldyn ala qol qoiý joiylady; ókilettikterdi orta deńgeidegi basqarý býynyna berý; qashyqtan jumys isteý úshin memlekettik organdardyń basshylaryn quraldarmen qamtamasyz etip, jaǵdai jasaý jáne basqa da máseleler qarastyrylady.
Biýrokratiiadan aryltý isinde memlekettik basqarýdyń barlyq salasyn tsifrlyq transformatsiialaý jáne júielik reinjiniringteý mańyzdy sanalady. Bul jumystardyń negizgi benefitsiarlary azamattar bolady. Budan bólek Jarlyqta qamtylǵan sharalar túpkilikti nátijege áser etpeitin, biraq memlekettik qyzmetshilerdi qajetsiz rásimder men úderisterden bosatýǵa múmkindik beredi, sondai-aq Memleket basshysynyń saiasi jáne ekonomikalyq reformalaryn memlekettik apparattyń tiimdi júzege asyrýyn qamtamasyz etedi.
