Májilistegi «Nur Otan» partiialyq fraktsiiasyn qaita júkteý kerek. Bul týraly «Nur Otan» partiiasynyń kezekten tys HHI sezinde QR Prezidenti Qasym-Jomart Toqaev aitty, dep habarlaidy QazAqparat.
Memleket basshysy aldaǵy reformalardy zańnamalyq sapaly qamtamasyz etý úshin Májilistegi partiialyq fraktsiiany qaita júkteý qajet ekenin atap ótti. Fraktsiia músheleri formalizmnen aýlaq bolyp, qoǵam ókilderimen kóbirek qarym-qatynasta bolýy tiis.
Osy oraida Prezident depýtattar tikelei mindeti aiasynda ózekti problemalardyń mán-jaiyn jetkilikti túsinip, partiianyń ustanymyn tyńǵylyqty túsindirip, qorǵaýy kerek ekenin, sondai-aq ashyq popýlizmge salynbaýy mańyzdy ekenin qadap aitty.
«Sailaýshylarmen tikelei dialog qurý, turaqty túrde azamattarmen kezdesý asa mańyzdy, osy oraida shalǵaidaǵy aýyldarǵa barý kerek», - dedi Qasym-Jomart Toqaev.
Bul turǵyda Prezident Parlamentte depýtattar joldaityn saýaldardyń mazmuny naqty máseleni qamtyp, turǵyndar problemasyn kórsetýi kerek ekenin eskertti.
