Foto: Aqorda
Qasym-Jomart Toqaevqa Parlament Májilisi qyzmetiniń nátijeleri jóninde málimet berildi, dep habarlaidy Ult.kz.
Zań shyǵarý jumysy boiynsha sessiia bastalǵaly beri 62 zań qabyldanyp, Senatqa joldanǵan. Onyń 55-ine Prezident qol qoiǵan. Olardyń qatarynda: Sý kodeksi, sondai-aq qarjy naryǵyn damytý jáne qarjylyq qyzmetterdi tutynýshylardyń quqyǵyn qorǵaý, taýarlardyń shyǵarylǵan elin aiqyndaý, densaýlyq saqtaý jáne oiyn biznesi týraly mańyzdy zańdar bar. Búginge deiin depýtattardyń qaraýyna 76 zań jobasy kelip túsken.
Prezident tapsyrmasyna sáikes Salyq, Qurylys kodeksteri, mindetti áleýmettik meditsinalyq saqtandyrýǵa, ǵylymi zertteý aýmaqtaryn damytýǵa, qylmystyq-protsestik zańnamany jetildirýge jáne jasandy intellektige qatysty zań jobalary boiynsha jumys júrgizilip jatyr.
Májilis tóraǵasy jańa Salyq kodeksiniń birinshi oqylymynyń qorytyndylaryn, Prezidenttiń Býrabaida ótken Ulttyq quryltai otyrysynda bergen tapsyrmalaryn zańnamalyq turǵydan qamtamasyz etý jumystary týraly baiandady.
Depýtattardyń óńirlerge issaparlary kezinde azamattardan túsken aryz-shaǵymdardy memlekettik organdardyń qaraýy, Prezidenttiń saiasi reformalaryn júieli júzege asyrý máseleleri plenarlyq otyrystarda turaqty talqylanyp kele jatqanyn aitty.
Osydan keiin Erlan Qoshanov AMANAT partiiasynyń jobalaryn tanystyrdy. Memleket basshysyna «Qaryzsyz qoǵam», «Aýyl amanaty», «Jer amanaty», «Ákimder mektebi» jobalarynyń júzege asyrylý barysy tanystyryldy.
Májilis tóraǵasy parlamenttik diplomatiia aiasynda atqarylǵan jumystarǵa toqtaldy. Májilis delegatsiiasy Tashkentte ótken 150-shi Parlamentaralyq odaq assambleiasyna qatysqanyn atap ótti. Sondai-aq, UQShU parlamenttik assambleiasy, Túrki memleketteriniń parlamenttik assambleiasy, TMD parlamentaralyq assambleiasy jáne basqa da baǵyttaǵy halyqaralyq yntymaqtastyq sheńberinde belsendi júrgizilip jatqanynan esep berdi.
