Memleket basshysy Qasym-Jomart Toqaev mas kúiinde avtokólik júrgizgenderdi qamap, iri kólemde aiyppul salýdy usyndy, dep habarlaidy "Ult aqparat".
Prezidenttiń aitýynsha, Almaty turǵyndar men qonaqtar úshin qaýipsiz qalaǵa ainalýy kerek.
«Elimizde, onyń ishinde Almatyda jol-kólik oqiǵalarynyń kóp tirkeletini alańdatady. Adamdar qaza taýyp, jaraqattanyp jatyr. Jol apatynan zardap shekkender sany basqa elderdegi qarýly qaqtyǵystardan qaza tabatyndardyń sanynan kem emes. Jol qozǵalysy mádenieti aitarlyqtai tómendep ketti. Sondyqtan, keshendi sharalar qoldaný kerek. Alkogoldiń kez kelgen túrin kez kelgen mólsherde qabyldap, kólikti tizgindegeni úshin jazany qatańdatýdy zańnamaǵa engizýdi tapsyrdym. Bul esirtki men basqa da psihotroptyq zattarǵa da qatysty», - dedi Prezident Almaty qalasyn damytý máseleleri jónindegi keńeste.
Sondai-aq, Prezident mas nemese esirtki jáne basqa da psihotroptyq zattardy qabyldaǵan soń sanaly túrde kólikke otyryp, jol erejesin buzǵandarǵa qatysty zań talaptaryn qataitý týraly aitty.
«Bul - azamattarymyzdyń zańdy quqyǵyna qarsy baǵyttalǵan aýyr qylmys. Mundai qylmystyń aýyrlyǵyna bailanysty qamap, iri aiyppuldar salyp, avtokólikterin tárkilep, kólik júrgizý quqyǵynan ómir boiy aiyrý kerek», - dedi Memleket basshysy Qasym-Jomart Toqaev.
