مەملەكەت باسشىسى قاسىم-جومارت توقاەۆ ماس كٷيٸندە اۆتوكٶلٸك جٷرگٸزگەندەردٸ قاماپ, ٸرٸ كٶلەمدە ايىپپۇل سالۋدى ۇسىندى, دەپ حابارلايدى "ۇلت اقپارات".
پرەزيدەنتتٸڭ ايتۋىنشا, الماتى تۇرعىندار مەن قوناقتار ٷشٸن قاۋٸپسٸز قالاعا اينالۋى كەرەك.
«ەلٸمٸزدە, ونىڭ ٸشٸندە الماتىدا جول-كٶلٸك وقيعالارىنىڭ كٶپ تٸركەلەتٸنٸ الاڭداتادى. ادامدار قازا تاۋىپ, جاراقاتتانىپ جاتىر. جول اپاتىنان زارداپ شەككەندەر سانى باسقا ەلدەردەگٸ قارۋلى قاقتىعىستاردان قازا تاباتىنداردىڭ سانىنان كەم ەمەس. جول قوزعالىسى مەدەنيەتٸ ايتارلىقتاي تٶمەندەپ كەتتٸ. سوندىقتان, كەشەندٸ شارالار قولدانۋ كەرەك. الكوگولدٸڭ كەز كەلگەن تٷرٸن كەز كەلگەن مٶلشەردە قابىلداپ, كٶلٸكتٸ تٸزگٸندەگەنٸ ٷشٸن جازانى قاتاڭداتۋدى زاڭناماعا ەنگٸزۋدٸ تاپسىردىم. بۇل ەسٸرتكٸ مەن باسقا دا پسيحوتروپتىق زاتتارعا دا قاتىستى», - دەدٸ پرەزيدەنت الماتى قالاسىن دامىتۋ مەسەلەلەرٸ جٶنٸندەگٸ كەڭەستە.
سونداي-اق, پرەزيدەنت ماس نەمەسە ەسٸرتكٸ جەنە باسقا دا پسيحوتروپتىق زاتتاردى قابىلداعان سوڭ سانالى تٷردە كٶلٸككە وتىرىپ, جول ەرەجەسٸن بۇزعاندارعا قاتىستى زاڭ تالاپتارىن قاتايتۋ تۋرالى ايتتى.
«بۇل - ازاماتتارىمىزدىڭ زاڭدى قۇقىعىنا قارسى باعىتتالعان اۋىر قىلمىس. مۇنداي قىلمىستىڭ اۋىرلىعىنا بايلانىستى قاماپ, ٸرٸ ايىپپۇلدار سالىپ, اۆتوكٶلٸكتەرٸن تەركٸلەپ, كٶلٸك جٷرگٸزۋ قۇقىعىنان ٶمٸر بويى ايىرۋ كەرەك», - دەدٸ مەملەكەت باسشىسى قاسىم-جومارت توقاەۆ.
