Foto: Aqorda
Prezidentke Mańǵystaý oblysynyń kólik-logistika infraqurylymyn damytý perspektivasy, sonyń ishinde elimizdiń tranzittik áleýetin keńeitý jáne port qýatyn jańǵyrtý josparlary jóninde baiandaldy, dep habarlaidy Ult.kz.
Kólik ministri Marat Qarabaev óńirde jalpy quny 1,9 trillion teńge bolatyn 24 infraqurylymdyq jobanyń júzege asyrylyp jatqanyn aitty.
Byltyr Transkaspii halyqaralyq kólik dálizi boiynsha júk tasymaly 62 paiyzǵa ósip, 4,5 million tonnaǵa jetken.
Atalǵan baǵytpen 358 konteinerlik poiyz, 27 myń avtokólik júk tasymaldaǵan. Eksport kólemi 3,2 million tonnany quraǵan. 2028 jylǵa deiin bul kórsetkishti 10 million tonnaǵa deiin jetkizý josparlanyp otyr.
Aqtaýda konteinerlik hab salynyp jatyr. Bul joba porttyń júk ótkizý qabiletin 140 myńnan 240 myń JFE-ge deiin ulǵaitady.
Memleket basshysynyń tapsyrmasyna sáikes, Kendirli kýrorty aimaǵynda jańa áýejaidyń qurylysy bastaldy. Áýejai saǵatyna 150 jolaýshyny qabyldai alady. Kendirlini Almaty jáne Astana qalalarymen jalǵaityn turaqty áýe reisterin ashý josparlanǵan.
Budan bólek, Ortalyq – Batys jáne Beineý – Sekseýil sekildi aýqymdy jol qurylysy jobalaryn júzege asyrý kózdelgen. Sonyń nátijesinde basty baǵyttardaǵy logistikany ońtailandyryp, tranzit jáne eksport júkterin tasymaldaý shyǵyndaryn edáýir azaitýǵa múmkindik týady. Atap aitqanda, Astanadan Aqtaýǵa deiingi jol 800 shaqyrymǵa, al Qorǵastan Aqtaýǵa deiingi araqashyqtyq 900 shaqyrymǵa qysqarady.
Memleket basshysy Kendirli kýrorty aýmaǵyndaǵy áýejai qurylysyn tezirek aiaqtaýdy tapsyrdy. Prezidenttiń aitýynsha, Qazaqstandy Eýraziianyń kólik-logistika habyna ainaldyrý jolynda Mańǵystaýdyń alatyn orny erekshe. Sondyqtan onyń áleýetin tiimdi paidalaný qajet. Óitkeni bul mindettiń strategiialyq mańyzy zor.
