Memleket basshysy Mańǵystaý oblysynyń ákimi Serikbai Trumovty qabyldady, dep habarlaidy Aqordanyń baspasóz qyzmeti.
Qazaqstan Prezidentine Mańǵystaý oblysynyń qoǵamdyq-saiasi ahýaly men áleýmettik-ekonomikalyq jaǵdaiy, aimaqtaǵy koronavirýsqa qarsy kúres sharalary jáne Jańaózen qalasyn keshendi damytý josparynyń oryndalý barysy jaiynda baiandaldy.
Serikbai Trumov Qasym-Jomart Toqaevqa oblys ekonomikasyn ártaraptandyrý, óńdeý ónerkásibi men týrizm, kólik-logistika baǵyttaryn damytý, aýylsharýashylyǵy salasyndaǵy shaǵyn nesieleýdi qoldaý sharalary týraly aitty.
Memleket basshysy óńirdegi qoǵamdyq-saiasi jaǵdaidyń turaqtylyǵyn qamtamasyz etý, óndiristi damytý men aimaqqa investitsiia tartý, týrizm salasyndaǵy jobalardy júzege asyrý jáne koronavirýs indetine qarsy kúres jóninde birqatar tapsyrma berdi.
