Qazaqstan Prezidenti Qasym-Jomart Toqaev MÁMS pen «SK Farmatsiia» basshylaryn jumystan shyǵarýdy tapsyrdy, dep habarlaidy «Ult aqparat».
Bul týraly QR Prezidenti Qasym-Jomart Toqaev Úkimettiń keńeitilgen otyrysynda aitty.
«Týyndaǵan qiyndyqqa kinálilerdiń bárine qatysty tergeý júrgizý kerek. Jaýapkershilikke tartqan durys. MÁMS pen «SK Farmatsiia» basshysy jumystan shyǵarylsyn. Kerek bolsa tergeý júrgizgen jón», - dedi Qasym-Jomart Toqaev Úkimettiń keńeitilgen otyrysynda.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy beine bailanys júiesi arqyly bolyp jatyr. Jiynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomikalyq damý qorytyndysy týraly esep berýde.
Sondai-aq koronavirýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boiynsha bergen tapsyrmalary men mindetteri qarastyrylady.
