Foto: ©️ Tengrinews.kz / Turar Qazanǵapov
Memleket basshysy Qasym-Jomart Toqaev elordany damytý máseleleri jónindegi keńeste taǵy da LRT qurylysyna qatysty toqtaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Iri qalada halyqtyń turmys sapasyna qoǵamdyq kólik pen jol keptelisi tikelei áser etedi. Sondyqtan, kólik infraqurylymyn damytýdyń airyqsha máni bar. Jýyrda Almatyǵa saparym barysynda qoǵamdyq kólikti jáne elektrondy bilet satý júiesin basqarý ortalyǵynyń jumysymen tanystym. Bul saladaǵy tsifrlandyrý isi óziniń tiimdiligi joǵary ekenin kórsetip otyr. Sondyqtan elorda ákimine Almatynyń oń tájiribesin eskere otyryp, qoǵamdyq kólikti dispetcherlik basqarý júiesin qoldanysqa engizýdi jáne damytýdy tapsyramyn.
Sondai-aq, men qańtarda LRT-ǵa qatysty jumysty tezdetip aiaqtaýdy tapsyrdym. Naqty merzimder aiqyndaldy. Turǵyndarǵa ýáde berildi. Endi osy jobany der kezinde aiaqtaý kerek. Bul jumysqa biraz qarajat bólindi. Biraq naqty nátije joq. Kólik máselesin sheshýdi soza bersek, qala keptelisten kóz ashpaidy. Bul úlken daǵdarys týdyrýy múmkin. Sondyqtan máseleni ońtaily sheshý qajet. Áitpese, ekonomikalyq shyǵynǵa tap bolamyz. Adamdar ýaqyt joǵaltady, qalaǵa ekologiialyq ziian keledi. Kólik salasyndaǵy jaǵdaidyń ýshyǵýyna kóshi-qon máselesi de yqpal etip otyr.
Jyl saiyn Astanaǵa 50-60 myń adam keledi. Budan bólek, kún saiyn jaqyn mańdaǵy eldi mekenderden 150 myń adam kelip ketedi. Munyń bári injenerlik jáne áleýmettik infraqurylymǵa aitarlyqtai salmaq túsiredi. Sol sebepti, kóshi-qon úderisin tiimdi retteý qajet, iaǵni, pármendi sharalar qabyldaý kerek. Negizinen, kóp adam qalaǵa jaqyn jerlerden jumys isteýge keledi. Sondyqtan bul salany naqty rettep, baqylaý kúsheitilýge tiis", - dedi Prezident.
