Foto: Aqorda
Memleket basshysy Qytai Halyq Respýblikasynyń tóraǵasyna kóńil aitý jedelhatyn joldady, dep habarlaidy Aqorda.
"Jedelhatta Sitszan avtonomiialyq aýdanynyń Shigatsze qalasynda bolǵan joiqyn jer silkinisi saldarynan kóptegen adamnyń qaza tapqany jáne zardap shekkeni týraly sýyt habardy tereń kúizelispen qabyldaǵanyn jetkizdi. Sonymen qatar Prezident Qasym-Jomart Toqaev Qazaqstan halqynyń jáne óziniń atynan QHR Tóraǵasy Si Tszinpin men jaqyndarynan aiyrylǵan otbasylarǵa, sondai-aq dostas qytai halqyna kóńil aityp, apatta jaralanǵandardyń tez arada saýyǵyp, otbasylaryna oralýyna tilektestik bildirdi", — delingen habarlamada.
Eske salsaq, Sitszan avtonomiialyq aýdany (Qytaidyń ońtústik-batysy) Shigatsze qalasyndaǵy Dinji ýezinde magnitýdasy 6,8 baldyq jer silkinisi boldy. Sońǵy málimetter boiynsha tabiǵi apat saldarynan 53 adam kóz jumdy.
