Memleket basshysy Qasym-Jomart Toqaev ulttyq qaýipsizdik jáne quqyqtyq tártipti qamtamasyz etý jóninde keńes ótkizdi, dep habarlaidy "Ult aqparat" Aqordanyń baspasóz qyzmetine silteme jasap.
Jiynǵa quqyq qorǵaý jáne arnaiy organdar basshylary qatysty.
Keńes barysynda ulttyq qaýipsizdikti qamtamasyz etý, elimizdegi quqyqtyq tártipti kúsheitý, sondai-aq uiymdasqan qylmyspen kúrestiń ózekti máseleleri talqylandy.
Qasym-Jomart Toqaev shuǵyl áreket etý jáne vedomstvoaralyq úilestirý mindetterine erekshe nazar aýdardy. Quqyq qorǵaý organdary men arnaýly qyzmetterdiń ózara tiimdi is-qimyly qaýipsizdikke tónetin qaterdi der kezinde anyqtap, aldyn alýǵa múmkindik beredi.
Prezident qazirgi jaǵdaida azamattardyń qaýipsizdigin tolyq qamtamasyz etý jáne qoǵam men memlekettiń múddesin qorǵaý asa mańyzdy ekenin atap ótti.
Jiyn qorytyndysy boiynsha ulttyq qaýipsizdikti qamtamasyz etý júiesin nyǵaitýǵa, qoǵamdyq tártipti qorǵaýǵa jáne qylmyspen kúreske baǵyttalǵan qosymsha sharalar qabyldaý jóninde naqty tapsyrmalar berdi.
