Úkimet aýyldyq densaýlyq saqtaýdyń tiimdi modelin qurý boiynsha sharalardyń oryndalýyn qatań baqylaýǵa alýy tiis. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Qordalanyp qalǵan taǵy bir problema - kómek qoljetimdiligi deńgeiiniń óńiraralyq alshaqtyǵy. Infraqurylymdyq aiyrmashylyqtan bólek, qala men aýyldarda kadrlarmen qamtamasyz etýde aitarlyqtai teńgerimsizdik bar. Tolyqtai alǵanda sharalar bar, olar ázirlengen. Endi olardy júzege asyrý mańyzdy. Úkimet aýyldyq densaýlyq saqtaýdyń tiimdi modelin qurý boiynsha sharalardyń oryndalýyn qatań baqylaýǵa alýy tiis», - dedi Memleket basshysy.
QR Prezidenti densaýlyq saqtaý salasynda tsifrlandyrý protsesterin jedeldetý jáne tiimdiligin arttyrý qajettigine de basa nazar aýdartty.
«Meditsinalyq qujattardy qaǵazsyz júrgizýdi engizý qajet. Densaýlyq saqtaýdy damytýdyń memlekettik baǵdarlamasy aiasynda densaýlyq saqtaýdyń biryńǵai tsifrlyq keńistigin qurý josparlanǵan. Meditsinalyq uiymdardyń 90 paiyzy platformaǵa yqpaldastyrylatyn bolady. E lektrondy d ensaýlyq tólqujaty engizildi. Meditsinalyq aqparattardy saqtaýdyń biryńǵai bazasy quryldy. Bul - jumys jospary desek te bolady. Biraq, ony sózsiz júzege asyrý qajet. Densaýlyq saqtaý júiesine bilikti IT-mamandardy tartý, otandyq ázirleme jasaýshylardyń áleýetin meditsinalyq aqparattyq júiege jumyldyrý mańyzdy», - dep atap ótti Qasym-Jomart Toqaev.
