Foto: Aqorda
Prezident Qasym-Jomart Toqaevqa Konstitýtsiialyq sot qyzmetiniń nátijeleri týraly málimet berildi, dep habarlaidy Ult.kz.
Konstitýtsiialyq sot tóraǵasy Elvira Azimova 2,5 jyl ishinde azamattardan 11 myńnan astam ótinish túskenin aitty. Sýdialar 5 myńnan asa quqyq normasyn zerdelep, 300-den astam sheshim qabyldaǵan. Onyń ishinde:
-
74 qorytyndy qaýly shyǵarylyp, 20 quqyq normasy Konstitýtsiiaǵa qaishy dep tanyldy;
-
25 quqyq normasyna naqty túsindirme berildi;
-
41 normativtik qaýly zańdarǵa engizilgen ózgerister arqyly oryndaldy.
Qazir Konstitýtsiialyq sottyń 19 qaýlysyndaǵy quqyqtyq ustanymdary eskerilgen 8 zań jobasy Parlamentte qaralýda.
Sonymen qatar Azimova azamattarǵa tegin quqyqtyq keńes beretin Ótinishterdi qabyldaý ortalyǵy jumys istep jatqanyn atap ótti. Buǵan deiin myńnan astam adam keńes alǵan.
Prezident Konstitýtsiialyq sottyń basty mindeti – azamattardyń quqyqtary men bostandyqtaryn qorǵaýǵa kepil bolý ekenin aitty. Ol sot organynyń quqyqtyq ustanymdaryn júieli túrde iske asyrýdyń mańyzdylyǵyna nazar aýdardy.
