Elordada Prezidenttiń qatysýymen ótken Ulttyq keńes otyrysynda talqylanǵan máselelerge qatysty QSZI Áleýmettik-saiasi zertteýler bóliminiń basshysy Alýa Joldybalina pikir bildirdi, dep habarlaidy QazAqparat.
«Búgin ótken ekinshi Ulttyq keńes otyrysy birinshi otyrys arasyndaǵy ýaqyt tyǵyz bolsa da árbir jumys toby óz baǵyttary boiynsha usynystaryn bergen. Sol usynystardyń basym bóligi reformalardyń qataryna kirgen. Iaǵni, bul jumys osymen toqtap qalmai, jalǵasyn tabady degendi bildiredi», - deidi Alýa Joldybalina.
Onyń aitýynsha, Prezident birqatar tapsyrma berý arqyly qoǵamnyń talap-tilekterin eskerip otyrǵanyn kórsetti.
«Saiasi júiede »múddelerdiń artikýliatsiiasy«, »múddelerdiń agregatsiiasy« degen túsinik bar. Iaǵni, saiasi júie ózin qorshaǵan qoǵamnan ártúrli ipýls - talap-tilekter alady. Onyń bári jinalyp múddelerdiń artikýliatsyna ainalady. Mysaly, búgin Prezidenttiń aitqan tapsyrmalary, usynystary qoǵamdaǵy áleýmettik toptardyń, qoǵamdyq uiymdardyń, azamattyq qoǵam sektorynyń múddesin eskergenin kórsetedi», - deidi ol.
Sondai-aq, ol bilik ketken olqylyqtardan sabaq alǵanyn aitty.
«Búgin Prezident saiasi jańǵyrýǵa kóbirek toqtaldy. Bul - alǵashqy nátije ǵana. Áleýmettik sala boiynsha aitar bolsaq, kópbalaly otbasylarǵa tólemaqy kiriske bailanysty emes, balanyń sanyna bailanysty beriledi. Bul biliktiń Ataýly áleýmettik kómek boiynsha ketken olqylyqtardan oi túigendikterin, ustanymdaryn kórsetip otyr. Kez kelgen engizilgen jańǵyrtý ary qarai ózgeredi, jańarady, sebebi bilik te ketken olqylyqtan qorytyndy shyǵaratynyn, ary qarai jumys isteýge daiyn ekenin kórsetip otyr. Úkimetke atqarýshy bilik retinde kóp mindet, jaýapkershilik júkteledi. Barlyq reformalardy daiyndaǵan kezde zańnama daiyndap, is-sharalardy qamtyp, biýdjetke ózgeris engizý kerek. Munyń bári úkimetke úlken mindet artylady degendi bildiredi», - deidi bólim basshysy.
.jpeg)