Memleket basshysy Qazaqstan halqy Assambleiasy Tóraǵasynyń orynbasary Marat Ázilhanovty qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa Qazaqstan halqy Assambleiasynyń atqaryp jatqan jumystary men qoǵamdyq institýttardyń óńirlerde júzege asyrǵan is-sharalarynyń qorytyndysy jaiynda baiandaldy.
Kezdesý barysynda Qazaqstan halqy Assambleiasyna qarasty barlyq qurylymdardyń naqty ári nátijeli jumys isteý qajettigi aityldy. Prezident Assambleianyń jastar qozǵalysy men Analar keńesiniń jumysyna erekshe kóńil bólý kerek ekenin atap ótti.
Kezdesý sońynda Qasym-Jomart Toqaev Marat Ázilhanovqa etnomediatsiia institýtyn damytý jóninde birqatar naqty tapsyrma berdi.
