Memleket basshysy Qazaqstannyń halyq ártisi Rýben Andriasiannyń qaitys bolýyna bailanysty kóńil aitty, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev M.Lermontov atyndaǵy Orys ulttyq drama teatrynyń ujymyna Qazaqstannyń halyq ártisi, teatr rejisseri, professor Rýben Sýrenovich Andriasiannyń qaitys bolýyna bailanysty kóńil aitý jedelhatyn joldady.
«Belgili qoiýshy-rejisser jáne bilikti pedagog Rýben Sýrenovich teatr ónerin damytýǵa ólsheýsiz úles qosty. Ol shirek ǵasyr boiy M.Lermontov atyndaǵy drama teatrdy basqaryp, elimizde jáne shet elderde júzden astam qoiylymdardy sahnalady. Rýben Sýrenovich kisilik kelbeti joǵary jan edi. Óziniń ómirlik jáne qyzmettik ustanymdaryn jas urpaqtyń boiyna sińire bildi. Rýben Sýrenovichtiń esimi jadymyzda máńgi saqtalady», – delingen jedelhatta.
