Memleket basshysy Almatyda jurtshylyqpen kezdesý barysynda qazirgi jastar týraly óz oiyn aitty, - dep habarlaidy Tengrinews.kz agenttigi.
Qasym-Jomart Toqaev jýyrda "Novye liýdi" jastar qozǵalysynyń ókilderimen áńgimesi týraly aitty.
"Ádil Qazaqstan qurý ideiasymen shabyttanǵan jastar ózderi uiymdasqan. Olar jańa eldi qajyrly eńbekke, Otan taǵdyryna belsene qatysýǵa negizdelgen qundylyqtar júiesi jańarǵan adamdar qurýy tiis ekenine senimdi. Qazirgi jastar basqasha. Maǵan unaityny, qazirgi jastardyń kóbi memleketten kómek kútpei, kerisinshe, óz eline paidaly bolǵysy keledi. Árine, Qazaqstan – áleýmettik memleket, biz óz azamattarymyzdy, ásirese áleýmettik osal toptarǵa árqashan qoldaý kórsetemiz. Biraq óz ál-aýqaty úshin jaýapkershilikti memleketke de, qoǵamǵa da artý múmkin emes", - dedi el Prezidenti.
Kúni boiy divanda jatyp nemese smartfonda maqsatsyz ýaqyt ótkizý arqyly jetistikke jete almaisyz. Memleket barlyǵyn qolynan ustap, oqýǵa nemese jumysqa ornalastyra almaidy. Eshbir elde mundai nárse joq. Sheteldik bir iri munai-gaz kompaniiasy azamattarymyzǵa laiyqty jalaqymen vahtalyq ádispen jumys isteý úshin arnaiy 1000 oryn bóldi. Ókinishke qarai, bul usynysqa 50 adam jaýap berdi. Munyń sebebi óte qarapaiym - eshkim jumys isteý úshin bir jerge barǵysy kelmeidi. Osy ýaqytta kóptegen basqa shtat turǵyndary esh oilanbastan shet elge baryp, kez kelgen jumysqa kirisedi.
Sondai-aq, Prezident búginde memleket tarapynan jasalyp jatqan múmkindikterdi jastardyń barlyǵy birdei paidalana bermeitinin atap ótti.
"Ne aitýǵa bolady, memleket keibir aimaqtarǵa elimizdiń ortalyq joǵary oqý oryndarynda oqýǵa arnaiy granttar bóledi. 10 myń granttyń tórtten birinen azy igerildi. Memleket azamattardy jumyspen de, grantpen de qamtamasyz etedi, tek osy múmkindikterdi paidalaný kerek", - dedi Qasym-Jomart Toqaev.
