Óńirlik deńgeide básekege qabiletti bolyp qalý úshin temirjol tasymaldaryn arttyrý qajet. Bul týraly Memleket basshysy Qasym-Jomart Toqaev aitty, dep habarlaidy QazAqparat.
«Joldardyń ótkizý qabiletin arttyrý úshin tar jerlerdi keńeitý kerek. Osyǵan bailanysty Dostyq-Moiynty temirjol ýchaskesiniń ótkizý qabiletin arttyrý kerek jáne elektr energiiasyn kóptep engizý qajet», - dedi Qasym-Jomart Toqaev Úkimettiń keńeitilgen otyrysynda.
Memleket basshysy Transaziialyq temir joldyń Ońtústik dálizin damytý úshin Qazaqstan men Ózbekstan arasynda jańa Darbaza-Maqtaaral jelisin salý mindeti turǵanyn atap ótti.
«Bul asa mańyzdy integratsiialyq joba. Bul bastamalar birneshe jyl boiy talqylanyp keledi. Eger biz óńirlik deńgeide básekege qabiletti bolyp qalǵymyz kelse, sheshimdi qazir qabyldaýymyz kerek. Úkimet pen «Samuryq-Qazyna» qory osy jobalardy iske asyrýǵa kirisýi tiis», - dedi Qasym-Jomart Toqaev.
