Qazaqstan men Reseidiń XVII óńiraralyq yntymaqtastyq forýmynda QR Prezidenti Qasym-Jomart Toqaev Qazaqstannyń 2060 jylǵa qarai kómirtegi beitaraptyǵyna qol jetkizetinin málim etti, dep habarlaidy QazAqparat.
«Ortaq ekologiialyq problemalardy sheshý úshin Úkimetter arasynda ekologiia, bioalýandyqty saqtaý, transshekaralyq sý kózderin birlesip saqtaý jáne paidalaný sekildi 7 kelisimge qol qoiylǵan. Kelisimder jospar boiynsha iske asyp jatyr. Biraq ekologiialyq ahýal nasharlaýyn jalǵastyryp jatyr. Ony sheshý úshin halyqaralyq deńgeidegi birlesken kúsh-jigerdi belsendirý qajet. Osyǵan bailanysty forýmǵa qatysýshylardyń nazaryn myna máselelerge aýdarǵym keledi», - degen Memleket basshysy álemde klimattyń ózgerýine bailanysty álemde ekonomikany karbonsyzdandyrý baǵdary kúsheiip kele jatqanyn eske saldy.
«Osynyń aiasynda kóptegen elder osy ǵasyrdyń ortasyna qarai kómirtegi beitaraptyǵyna qol jetkizetinderi týraly málimdedi. Jańa retteý tetikteri engizilip jatyr. Onyń ishinde Eýroodaqtyń kómirtegi salyǵy týraly bastamalary da bar. Qazaqstan da Resei siiaqty álemdegi eń energiia tutynýshy elderdiń biri. Ónerkásip óndirisiniń 50 paiyzdan astamyn ken óndirý salasy quraidy. Elektr energiiasynyń 70 paiyzy kómirden alynady. Osynyń ózinde joǵary táýeldilikke qaramastan, Qazaqstan 2060 jylǵa qarai kómirtegi beitaraptyǵyna qol jetkizý málimdedi. Bul tolyq múmkin jáne aqylǵa qonymdy mindet», - dedi QR Prezidenti.
