قازاقستان مەن رەسەيدٸڭ XVII ٶڭٸرارالىق ىنتىماقتاستىق فورۋمىندا قر پرەزيدەنتٸ قاسىم-جومارت توقاەۆ قازاقستاننىڭ 2060 جىلعا قاراي كٶمٸرتەگٸ بەيتاراپتىعىنا قول جەتكٸزەتٸنٸن مەلٸم ەتتٸ, دەپ حابارلايدى قازاقپارات.
«ورتاق ەكولوگييالىق پروبلەمالاردى شەشۋ ٷشٸن ٷكٸمەتتەر اراسىندا ەكولوگييا, بيوالۋاندىقتى ساقتاۋ, ترانسشەكارالىق سۋ كٶزدەرٸن بٸرلەسٸپ ساقتاۋ جەنە پايدالانۋ سەكٸلدٸ 7 كەلٸسٸمگە قول قويىلعان. كەلٸسٸمدەر جوسپار بويىنشا ٸسكە اسىپ جاتىر. بٸراق ەكولوگييالىق احۋال ناشارلاۋىن جالعاستىرىپ جاتىر. ونى شەشۋ ٷشٸن حالىقارالىق دەڭگەيدەگٸ بٸرلەسكەن كٷش-جٸگەردٸ بەلسەندٸرۋ قاجەت. وسىعان بايلانىستى فورۋمعا قاتىسۋشىلاردىڭ نازارىن مىنا مەسەلەلەرگە اۋدارعىم كەلەدٸ», - دەگەن مەملەكەت باسشىسى ەلەمدە كليماتتىڭ ٶزگەرۋٸنە بايلانىستى ەلەمدە ەكونوميكانى كاربونسىزداندىرۋ باعدارى كٷشەيٸپ كەلە جاتقانىن ەسكە سالدى.
«وسىنىڭ اياسىندا كٶپتەگەن ەلدەر وسى عاسىردىڭ ورتاسىنا قاراي كٶمٸرتەگٸ بەيتاراپتىعىنا قول جەتكٸزەتٸندەرٸ تۋرالى مەلٸمدەدٸ. جاڭا رەتتەۋ تەتٸكتەرٸ ەنگٸزٸلٸپ جاتىر. ونىڭ ٸشٸندە ەۋرووداقتىڭ كٶمٸرتەگٸ سالىعى تۋرالى باستامالارى دا بار. قازاقستان دا رەسەي سيياقتى ەلەمدەگٸ ەڭ ەنەرگييا تۇتىنۋشى ەلدەردٸڭ بٸرٸ. ٶنەركەسٸپ ٶندٸرٸسٸنٸڭ 50 پايىزدان استامىن كەن ٶندٸرۋ سالاسى قۇرايدى. ەلەكتر ەنەرگيياسىنىڭ 70 پايىزى كٶمٸردەن الىنادى. وسىنىڭ ٶزٸندە جوعارى تەۋەلدٸلٸككە قاراماستان, قازاقستان 2060 جىلعا قاراي كٶمٸرتەگٸ بەيتاراپتىعىنا قول جەتكٸزۋ مەلٸمدەدٸ. بۇل تولىق مٷمكٸن جەنە اقىلعا قونىمدى مٸندەت», - دەدٸ قر پرەزيدەنتٸ.
