Memleket basshysy Kavkaz musylmandary basqarmasynyń tóraǵasy Sheih-ýl Islam Allashúkir Pasha-Zadeni qabyldady, - dep habarlaidy "Ult aqparat" Aqordanyń resmi saityna silteme jasap.
Kezdesýde konfessiiaaralyq dialog halyqaralyq qaýymdastyqty biriktirý joldaryn birlesip izdeýdiń mańyzdy quraly ekeni aityldy.
Qasym-Jomart Toqaev Álemdik rýhani kóshbasshylar seziniń qorytyndysy jahandyq syn-qaterlerge birlese qarsy turýǵa yqpal etip, ultaralyq kelisimdi, beibitshilik pen turaqtylyqty nyǵaitýǵa eleýli úles qosatynyna senim bildirdi.
Sondai-aq Memleket basshysy baýyrlas Qazaqstan men Ázerbaijan halyqtary arasyndaǵy dostyq pen yntymaqtastyq bailanystaryn nyǵaitýdyń mańyzdy ekenin atap ótti.
Kavkaz musylmandary basqarmasynyń tóraǵasy Qasym-Jomart Toqaevtyń jýyrda Bakýge saparynyń qorytyndysyna oń baǵa berdi. Budan bólek, Qazaqstannyń dinder men órtkenietter dialogyn damytýǵa aitarlyqtai úles qosqanyn atap ótti.
