Foto: Aqorda
Memleket basshysy Qasym-Jomart Toqaev qazaqstandyq jýrnalisterdi Ulttyq basylym kúnimen quttyqtady, dep habarlaidy Ult.kz. Bul týraly QR Prezidentiniń keńesshisi – Prezidenttiń Baspasóz hatshysy Aibek Smadiiarov málimdedi.
Prezident buqaralyq aqparat quraldarynyń Ádiletti Qazaqstandy qurýǵa jáne qoǵamda «Zań men tártip» qaǵidatyn ornyqtyrýǵa eleýli úles qosyp kele jatqanyn atap ótti.
Prezident merzimdi baspasóz ókilderin konstitýtsiialyq reformany, sondai-aq tutas memlekettik júieni túbegeili jańǵyrtýǵa baǵyttalǵan basqa da aýqymdy ózgeristerdi BAQ-ta jariialaý kezinde konstrýktivti jumys isteýge úndedi.
Qasym-Jomart Toqaev quttyqtaýynda patriotizm uǵymyna jaýapkershilik pen jasampazdyq turǵysynan qarap, zańdy qurmetteý arqyly egemendigimizdi jáne táýelsizdigimizdi qorǵaý ulty men dinine qaramastan árbir otandasymyzdyń mindeti ekenin aitty.
Memleket basshysy otandyq jýrnalister osynaý asa mańyzdy iske belsendi atsalysatynyna senim bildirip, olarǵa tolaiym tabys pen baq-bereke tiledi.
