فوتو: اقوردا
مەملەكەت باسشىسى قاسىم-جومارت توقاەۆ قازاقستاندىق جۋرناليستەردٸ ۇلتتىق باسىلىم كٷنٸمەن قۇتتىقتادى, دەپ حابارلايدى Ult.kz. بۇل تۋرالى قر پرەزيدەنتٸنٸڭ كەڭەسشٸسٸ – پرەزيدەنتتٸڭ باسپاسٶز حاتشىسى ايبەك سماديياروۆ مەلٸمدەدٸ.
پرەزيدەنت بۇقارالىق اقپارات قۇرالدارىنىڭ ەدٸلەتتٸ قازاقستاندى قۇرۋعا جەنە قوعامدا «زاڭ مەن تەرتٸپ» قاعيداتىن ورنىقتىرۋعا ەلەۋلٸ ٷلەس قوسىپ كەلە جاتقانىن اتاپ ٶتتٸ.
پرەزيدەنت مەرزٸمدٸ باسپاسٶز ٶكٸلدەرٸن كونستيتۋتسييالىق رەفورمانى, سونداي-اق تۇتاس مەملەكەتتٸك جٷيەنٸ تٷبەگەيلٸ جاڭعىرتۋعا باعىتتالعان باسقا دا اۋقىمدى ٶزگەرٸستەردٸ باق-تا جارييالاۋ كەزٸندە كونسترۋكتيۆتٸ جۇمىس ٸستەۋگە ٷندەدٸ.
قاسىم-جومارت توقاەۆ قۇتتىقتاۋىندا پاتريوتيزم ۇعىمىنا جاۋاپكەرشٸلٸك پەن جاسامپازدىق تۇرعىسىنان قاراپ, زاڭدى قۇرمەتتەۋ ارقىلى ەگەمەندٸگٸمٸزدٸ جەنە تەۋەلسٸزدٸگٸمٸزدٸ قورعاۋ ۇلتى مەن دٸنٸنە قاراماستان ەربٸر وتانداسىمىزدىڭ مٸندەتٸ ەكەنٸن ايتتى.
مەملەكەت باسشىسى وتاندىق جۋرناليستەر وسىناۋ اسا ماڭىزدى ٸسكە بەلسەندٸ اتسالىساتىنىنا سەنٸم بٸلدٸرٸپ, ولارعا تولايىم تابىس پەن باق-بەرەكە تٸلەدٸ.
