Foto: Aqorda
Onda Teńizge shyǵar joly joq damýshy elderge arnalǵan Birikken Ulttar Uiymynyń úshinshi konferentsiiasyna qatysady, dep habarlaidy Ult.kz.
Túrikmenbashy áýejaiynan Memleket basshysyn Túrikmenstan Halk Maslahatynyń tóraǵasy Gýrbangýly Berdimuhamedov qarsy aldy.
Áýejaida Qasym-Jomart Toqaev pen Gýrbangýly Berdimuhamedov az-kem áńgimelesti. Memleket basshysy Qazaqstan men Túrikmenstan yntymaqtastyǵy órkendep, qarqyn ala túskenin atap ótti.
"Qurmetti Gýrbangýly Mialikgýlyevich, Sizben qasietti túrikmen jerinde, baýyrlas Túrikmenstanda qaita júzdeskenime qýanyshtymyn. Shaqyrýyńyzdy shyn nietpen qabyl aldym. BUU Bas hatshysynyń qatysýymen osyndai forým ótkizý – úlken jetistik. Bul 30 jyldan beri beitarap saiasat ustanyp kele jatqan Túrikmenstannyń halyqaralyq abyroi-bedeli joǵary ekenin kórsetedi. Qazaqstan atalǵan saiasatty tolyǵymen qoldaidy", – dedi Qasym-Jomart Toqaev.
Halk Maslahatynyń tóraǵasy qazaq-túrikmen bailanysynyń erekshe sipatyna joǵary baǵa berdi.
Memleket basshysy men Halk Maslahatynyń tóraǵasy eki el halqy dostyq pen tatý kórshilik qatynasty odan ári nyǵaitýǵa erekshe mán beretinin aitty.
