Qazaqstan Prezidenti Qarýly Kúshterdiń Bas barlaý basqarmasynyń shtab-páterine bardy, dep habarlaidy Aqorda.
Qasym-Jomart Toqaevqa álemniń tynyshsyz aimaqtaryndaǵy qaýip-qaterler jaiynda baiandaldy. Sonymen qatar Prezident Bas barlaý basqarmasy bólimderiniń zamanaýi úlgidegi áskeri qural-jabdyqtarymen jáne tehnikalarymen tanysty.
Memleket basshysy Qazaqstannyń áskeri barlaý jumysyna oń baǵa berip, halyqaralyq ahýal shielenisken jaǵdaida onyń el qaýipsizdigin qamtamasyz etý baǵytyndaǵy róli arta túsetinin aitty.
Joǵarǵy Bas qolbasshy Qorǵanys ministrligi Bas barlaý basqarmasyna áskeri barlaý júiesin odan ári jetildirý jáne damytý jumystaryn jalǵastyra berýdi tapsyryp, atalǵan bólimdegi áskeri qyzmetshilerdiń eńbegine tabys tiledi.
