«Nur Otan» partiiasynyń kezekten tys HHI sezinde QR Prezidenti Qasym-Jomart Toqaev «Jas Otan» jastar qanatynyń qataryna jastar arasynda senimge ie kóshbasshylardy tartýdy tapsyrdy, dep habarlaidy QazAqparat.
«Qańtardaǵy qaiǵyly oqiǵalar jastardyń áleýmettik-ekonomikalyq beiimdelýindegi úlken olqylyqty kórsetip berdi. Buǵan jergilikti atqarýshy organdarmen qatar jalpy memlekettik basqarý júiesi kináli.
«Jas Otan» naqty jumys isteý úshin zor áleýetke ie. Partiianyń jastar qanatynda búkil elimiz boiynsha 100 myńnan astam múshe bar. Biraq osynaý aitarlyqtai resýrs laiyqty qoldanylmai otyr», - dedi Memleket basshysy.
QR Prezidenti qalalarda jailastyrylmaǵan jastarmen naqty jumys júrgizilýi tiistigin basa aitty.
«Jas Otan» qataryna paidaly qoǵamdyq qyzmetpen ainalysýǵa daiyn, jastar arasynda senimge ie kóshbasshylardy tartý qajet. Memleket jastardy jumyspen qamtý, bilim berý jáne oqytý salasynda birqatar mańyzdy jobany júzege asyrýda. Alaida, áleýmettik suraý salý nátijesi jastardyń basym bóligi olar jaiynda eshteńe de bilmeitindigin kórsetip otyr. Mundai ahýaldy tabandy túrde ózgeretý qajet», - dedi Memleket basshysy.
